ಜೂನ್ 24 ರೇಡಿಯೋ ಸಂಜೆ ನೇರಪ್ರಸಾರ ಕಾರ್ಯಕ್ರಮದಲ್ಲಿ ಕರ್ನಾಟಕದ ಮೊದಲ ಕತ್ತೆ ಸಾಕಾಣಿಕೆ ಘಟಕದ ಮುಖ್ಯಸ್ಥರಾದ ಶ್ರೀನಿವಾಸಗೌಡ ಹಾಗೂ ಜಯಶ್ರೀ ಕರ್ಕೇರ ಭಾಗವಹಿಸಿದ್ದರು. ಭಾರತದಲ್ಲಿ ಅತಿ ಹೆಚ್ಚು ನಿರ್ಲಕ್ಷಕ್ಕೆ ಒಳಗಾದ ಪ್ರಾಣಿಗಳಲ್ಲಿ ಕತ್ತೆ ಕೂಡ ಒಂದು. ಇದರ ಸಂತತಿಯು ವರ್ಷದಿಂದ ವರ್ಷಕ್ಕೆ ಕಡಿಮೆಯಾಗುತ್ತಿದೆ. ಕತ್ತೆಗಳ ಉಪಯೋಗವನ್ನು ತಿಳಿಸಿಕೊಡುವಲ್ಲಿ ಹಾಗೂ ಕತ್ತೆ ಹಾಲಿನಿಂದ ಆಗುವಂತಹ ಉಪಯೋಗಗಳ ಬಗ್ಗೆ ಜನಸಾಮಾನ್ಯರಲ್ಲಿ ಅರಿವು ಮೂಡಿಸುವಂತಹ ನಿಟ್ಟಿನಲ್ಲಿ ಸಾಕಾಣಿಕೆ ಘಟಕವನ್ನು ಆರಂಭಿಸಿದ್ದೇವೆ ಎಂದು ತಿಳಿಸಿದರು. 

ಕಾರ್ಯಕ್ರಮದ ಉದ್ದಕ್ಕೂ ಅನೇಕ ಕೇಳುಗರು ಕರೆ ಮಾಡಿ ಕತ್ತೆ ಹಾಲಿನ ಬಗೆಗಿನ ಹಾಗೂ ಕತ್ತೆಯ ಬಗೆಗಿನ ಅವರ ಅನೇಕ ಕುತೂಹಲದ ಪ್ರಶ್ನೆಗಳನ್ನು ಕೇಳಿದರು. ಅದಕ್ಕೆ ಸಮರ್ಪಕವಾದ  ಉತ್ತರವನ್ನು ಶ್ರೀನಿವಾಸ್ ಮತ್ತು ಜಯಶ್ರೀ ಅವರು ನೀಡಿದರು.